Өтінімдер 2023 жылғы 7 маусымнан бастап 27 маусымға дейін korkemdikkenes@balapan.tv электронды поштасы арқылы қабылданады.
Байқауға қабылданатын жобалардың негізгі бағыты:
- Ғылыми-танымдық бағдарламалар;
- Тарихи тақырыптағы бағдарламалар;
- Балаларды зорлық-зомбылықтан сақтандыру, өзін-өзі қорғауға үйретуге бағытталған жобалар;
- Медициналық бағыттағы бағдарламалар;
- Қиял-ғажайып (фэнтези) жанрындағы жобалар;
- Музыкалық жобалар;
- Қазақстанды мекендейтін, Қызыл кітапқа енген жан-жануарлар туралы бағдарламалар;
- Балалар әндеріне арналған бейнебаяндар;
- «Balapan» телеарнасының туған күніне арналған жоба (мюзикл, шоу, фильм, бағдарлама);
- Жаңажылдық түсірілім (мюзикл, шоу, фильм, бағдарлама);
Байқауға қатысушы компанияның телевизия саласында өндіріс тәжірибесі болуы шарт. Қатысушы компаниялар 27 маусымға дейін көрсетілген электронды поштаға жоба концепциясын ұсынуы шарт. Екінші кезеңге өткен компаниялардан жобаның пилоттық нұсқасы талап етіледі.
