Күзгі маусымда «Balapan» телеарнасының эфирінен шығатын «Білім бәйгесі» атты жаңа зияткерлік жобаның қатысушыларына байқау жарияланды. Бағдарламаға республика бойынша 6-9 жас аралығындағы оқушылар қатыса алады.
Жобаның мақсаты - бастауыш сынып оқушыларының бойындағы сыни және креатив ойлау, коммуникативтік дағдыларын дамыту. Телевизиялық жоба сонымен қатар баланың шығармашылық қабілеттерін ашуды көздейді.
Жобаға:
- қазақ тілінде еркін сөйлеп, ойын ашық жеткізе алатын;
- 6-9 жасқа толған (2 сынып бітірген болуы керек);
- сабақ үлгерімі жақсы әрі логикалық ойлау қабілеті жоғары;
- жаңа ортаға тез үйренетін, тез шешім қабылдап, жылдам әрекет ете алатын оқушылар қатыса алады;
Егер балаңыз осы талаптарға сай келсе, https://forms.gle/zSjoe4sjN1rGKGCP9 сілтеме арқылы тіркеуден өту қажет.
Тіркеу 2022 жылғы 23 маусымға дейін жүргізіледі. Жоба ұйымдастырушылары тіркеуден өткен үміткерлерге 24 маусымнан кейін хабарласып, іріктеу кезеңіне шақырады.
Қосымша ақпарат үшін байланыс телефондары:
8 771 033 5171
8 771 033 5172
