Нұр-Сұлтан қаласында ең алғашқы «EcoQolday» экологиялық театры ашылды.
Ашылуына Экология, геология және табиғи ресурстар министрлігінің, Нұр-Сұлтан қаласы білім басқармасының өкілдері, ӨКМ Операторы, елорданың білім беру мекемелері, эко-белсенділер, оқушылар мен ата-аналар қатысты.
Театр ұжымы премьерасын «Гринейктер хикаясы» атты қойылыммен ашты.
Шығармашылық ұжым балаларға экологиялық мәдениетті өнер арқылы түсіндіруді көздейді. Спектакльге оқушы актерлер мен орыс драма театрының екі кәсіби қоюшы-режиссерлері қатысады.
Мамыр айында эко-театр көрермендерге экологиялық ертегінің негізінде тағы екі спектакль ұсынуды жоспарлап отыр.
Сондай-ақ, инклюзивті білім беруді дамыту мақсатында «Эко-шеберхана» әлеуметтік жобасы іске қосылды. Сыныпта ҚТҚ-ны бөлек жинау бойынша сабақтар өткізіледі және ескі тұрмыстық электр техникасын бөлшектеп, оны қайта өңдеуге жібереді.