Бүгіннен бастап «Экстремалды футбол» мультхикаясы қайта көрсетіледі

Көрермендердің сұрауы бойынша  «Экстремалды футбол» мультхикаясы қайта көрсетіледі.

Экстремалды футбол – спорттың жаңа түрі. Бұл тек қана доп қуу емес, ойын акробатиканы, жоспарлауды, ойыншының ептілігін қажет етеді.

Мультфильмде бас кейіпкер экстремалды футболға қатысу үшін достарының арасынан команда жинайды. Қорғаушы, қақпашы, шабуылдаушыларды бекітеді.

Ал, өзі команда капитаны болады. Олар жөндеу жұмыстары жүргізіліп жатқан сауда орталығының жертөлесінде жаттығады. Қарсылас топты жеңу үшін түрлі айла-тәсілді ойлап табады.

Тартысқа толы мультхикаяны бүгіннен бастап, сағат 12:00-де «Балапан» телеарнасынан тамашалай аласыңдар.