«Балапан» телеарнасы жас таланттарды іздейді

«Балапан» телеарнасының ұйымдастыруымен талантты балалар арасында жаңа ««Балапан» жүлдесі»» жобасы болады. Балалар бәйгесіне республикалық, халықаралық сайыстарда жеңіс тұғырынан көрінген 5-12 жас аралығындағы балалар қатыса алады.

Аталмыш байқауға қатысу үшін мынадай ақпараттар қамтылуы керек:

• Қатысушының аты-жөні;
• Фотосурет (jpeg., 1000 px.)
• Марапат, Алғыс хаттар (скан.нұсқа)
• Медальдар (суреті)

Талантты балалар мен кішкентай қаһармандар туралы ақпаратты 28 қарашаға дейін  balapantv@kaztrk.kz электронды мекенжайына жолдаңыздар немесе Instagram желісінде #БалапанЖүлдесі хэштегін белгілеп, мәліметтеріңізбен бөлісулеріңізге болады.

Айта кетейік, «Балапан» жүлдесі - жас дарындарды іздеу мақсатында алғаш ұйымдастырып отырған ауқымды жоба.