Астанада балалар шығармашылығы фестивалі өтеді

18 қыркүйекте Астанадағы Балалар көркемсурет мектебінде «Бір шаңырақ астында» атты  балалар шығармашылық фестивалі өтеді.

Сайысқа қаладағы жалпы орта білім беретін оқу мекемелерінен 7-15 жасқа дейінгі балалар қатысады. Қазіргі таңда сайысқа 170 еңбек қабылданды.

Бүгінде қазылар алқасы 20 үздік жұмысты  іріктеп алды. Туындыларда бейбітшілік пен тұрақтылық, келісім мен сүйіспеншілік, достық көрініс тапқан.

Астана қаласы Білім басқармасының хабарлауынша, үздік жұмыстар Балалар көркемсурет мектебінің сайтында жарияланады.

astana.kz