Шымкент зообағында сусиыр төлдеді

Шымкент зообағында сусиыр төлдеді. Зообақ мамандары қамаудағы сусиырлардың төлдеуі сирек кездесетінін айтуда.

Әзірге төлдің жынысы белгісіз. Зообақ директоры Нұрғазы Бұхарбаевтың айтуынша,  карантинге байланысты төлдеген бегемотқа әзірге ешкімнің жақындауына болмайды.

Аналық бегемот осыдан 23 жыл бұрын Мәскеудің Николаевский хайуанаттар бағынан әкелінген. Ал, оның жұбы Тұрсын зообақта 2004 жылы дүниеге келген.

Айта кетейік, 1980 жылы құрылған Шымкент мемлекеттік зоологиялық саябағы - Қазақстандағы үш зообақтың бірі. 

otyrar.kz