«Балапан» телеарнасы «Ойлан, тап!» бағдарламасының жүргізушілеріне кастинг жариялайды

«Балапан» телеарнасы викториналық ойын-сауық «Ойлан, тап!» бағдарламасының жаңа маусымына жүргізушілер іздейді.

Кастингке  9-11 жас аралығындағы қазақ тілінде еркін сөйлейтін, алғыр, жүргізушілік қабілеті бар, камера алдында өзін еркін ұстайтын балалар қатыса алады.
Бағын сынап көргісі келетін өнерлі достарымыз 18 тамыз күні сағат 11:00-18:00 аралығында Астана қаласындағы «Қазмедиа орталығына»  келулері керек.

Айта кетейік, «Ойлан, тап!» бағдарламасы «Балапан» телеарнасының тікелей эфирінде болатын бағдарлама. Мақсаты: Тікелей эфирде көрерменмен интерактивті байланыса отырып, кішкентай достардың ғылыми-танымдық деңгейін арттыру.