Алматыда математика пәні бойынша республикалық турнир басталды

Алматыда бастауыш сынып оқушылары арасында математика пәні бойынша  ІХ республикалық турнир басталды. Оған еліміздің барлық өңірінен жалпы білім беретін лицей, гимназия, мектеп-интернаттарынан 135 үміткер қатысып жатыр.

Үш күнге жалғасатын білім бәйгесінде 2-4 сынып оқушыларынан құралған 45 команда 3 кезең бойынша бақ сынайды. Додада оқушыларға математика пәнінен есептер, топтық жұмыстар, ойды жетілдіретін тапсырмалар беріледі.