Алматы зообағына лори әкелінді

Алматы зообағына ерекше жануар - лори әкелінді. Мұндай экзотикалық жануарларды жеке тұлға сыйға тартқан.

5 және 11 айлық маймылға ұқсас жануарлар бүгінде Алматының ауа райына бейімделіп келеді.

Олар жәндіктерден бастап, ботқа, йогурт, жеміс жейді. Тәбеттері -жақсы. Жабайы табиғат аясында құстар, майда кесірткелер және жәндіктермен қоректенеді.

Мұндай жануарлар негізінен Оңтүстік-Шығыс Азияда, Шри-ланка, Үндістан елдерінде көп таралған.

Айта кетейік, тамызда зообаққа Отырар ғылыми-зерттеу институтынан киіктер жұбы әкелінген. Ғалымдардың айтуынша, олар мамонттар дәуірінен бері жер бетін мекен етіп келеді.

Зообаққа келушілері аталған жануарлармен таныса алады.

ҚазАқпарат