Басты Жаңалықтар Семейде XVI республикалық Абай оқулары және I республикалық жыршылар байқауы өтеді

Семейде XVI республикалық Абай оқулары және I республикалық жыршылар байқауы өтеді

04.09.2015 12:15

9-11 қыркүйекте Семейде «Абай-Шәкәрім» мұражай кешенінде мектеп оқушылары арасында XVI республикалық Абай оқулары және I республикалық жыршылар байқауы өтеді.

Аталған шараларға облыстардың, Астана және Алматы қалаларының жалпы білім беретін мектептерінің, республикалық мамандандырылған дарынды балаларға арналған мектеп-интернаттардың 5-11 сынып оқушылары қатысады, деп хабарлайды Білім және ғылым министрлігінің баспасөз қызметі.

Қазақ хандығының 550 жылдығына арналған «Туады ерлер ел үшін...» І республикалық қазақ батырлық эпосы жыршыларының байқауы 9-10 қыркүйекте өтеді.

Байқаудың салтанатты ашылуы Семей қаласының Мәдениет үйінде ұйымдастырылады.

Ұлы ойшылдың 170 жылдығына арналған XVI Республикалық Абай оқулары 10-11 қыркүйекте өтеді. Абай оқуларының салтанатты ашылуы Абай ауданы орталығының Мәдениет үйінде болады.

Жеңімпаздар І, ІІ, ІІІ дәрежелі дипломдармен, мақтау қағаздары, сертификаттар және арнайы жүлделермен марапатталады.

Айта кетейік, іс-шаралар аясында оқушылар Абай ауданындағы тарихи орындармен, М.Әуезовтың туған ауылындағы мұражай-үйімен, Абайдың Жидебайдағы мұражай-үйімен танысады. Олар үшін Еңлік-Кебектің ескерткішінде, Шілікті кезеңінде, Үңгіртаста театрландырылған қойылымдар ұйымдастырылады.

Бөлісу