«Менің елім» байқауына сурет қабылдау жалғасуда

«Балапан» телеарнасы Балаларды қорғау күніне орай «Менің елім» тақырыбында республикалық сурет байқауын жариялайды. Сайысқа 6-8 жас аралығындағы  қылқалам шеберлері қатыса алады.

Байқау шарттары:

1)  Сурет форматы  А3 болуы қажет;

2)  Туындыны жиектемеге (рамка) салу керек;

3)  Автордың аты-жөнін, жасын, тұрғылықты жері және байланыс телефонын көрсеткен жөн.

Жұмыстар 25 сәуірден 25 мамырға дейін қабылданады.  Үздік суреттер Астана қаласында өтетін көрмеге қойылады.

Суреттеріңді «Қазпошта» арқылы мына мекенжайға жіберіңдер: Астана қаласы, Қонаев көшесі, 4, «Қазмедиа» орталығы, «Балапан» телеарнасы.