Шымкент және Түркістан қалаларында жас суретшілер байқауы өтті

Оңтүстік Қазақстан облысында ел Тәуелсіздігінің 25 жылдығына орай жасөспірімдер арасында сурет салудан республикалық байқау өтті.

Шымкент пен Түркістан қалаларында ұйымдастырылған бұл шараға еліміздің барлық өңірінен 500-ге жуық шәкірт қатысып, өзара бақ сынасты.  

Көрмеге Тәуелсіздіктің 25 жылдығы, сонымен қатар, Қожа Ахмет Яссауидің 850 жылдығына арналған туындылар қойылған.

Республикалық жас қылқалам шеберлерінің байқауында қазылар алқасы 65 баланың өнерін үздік деп бағалады. Жеңімпаздар арнайы диплом және бағалы сыйлықтармен марапатталды.