Елордалық бүлдіршіндерге шағылыстырғыш элементтері бар белгішелер таратылды

Бүгін Астана қаласының жергілікті полиция қызметінің мамандары мен жас инспекторлар «Назар аударыңыз, жүргінші!» акциясы аясында ең жас жаяу жүргіншілерге шағылыстырғыш элементтері бар белдеулер, байламдардағы белгішелер, білезіктер таратты.

Аталмыш акция 4 сәуірге дейін жалғасады.

Астана қаласы ІІД жергілікті полиция қызметі ювеналды полиция бөлімінің инспекторы Айымгүл Валееваның айтуынша, осындай шаралар арқасында биыл балалар зардап шегетін жол-көлік апаттарының саны 18 пайызға төмендеген.

Эксперттер шағылыстырғыш элементтері бар жаяу жүргіншілерді жүргізушілер жақыннан 50 метр қашықтықта, алыстан 150 м қашықтықта көре алатынын дәлелдеген.

Полицейлер бүлдіршіндерді жол қауіпсіздігі ережесін үйренуге шақырды.

astana.gov.kz