Оралдағы жаңа театрда «Сақ бол» атты халық ертегісі сахналанды

Оралда жаңа театр ашылды. Театрдың режиссері әрі көркемдік жетекшісі - белгілі актер Еркін Тасболат.

«Ұлы дала» атауын иеленген өнер ордасы келешекте әлемдік деңгейдегі шығармаларды сахналауды мақсат етеді. Әзірге негізгі көрермені – жеткіншектер.

Театр шымылдығы  «Сақ бол» атты халық ертегісімен түрілді.

«Әзірге ұжымымыз шағын. Келешекте облыс, республика деңгейінде ғана қалып қоймай, мәдениетімізді өзге мемлекеттерде де танытқымыз келеді», дейді театр директоры Айжан Хамидуллина.