«Астана Опера» театрында бүгін «Жануарлар карнавалы» концерті өтеді

Астана қаласындағы «Астана Опера» Мемлекеттік опера және балет театры балаларға арналған «Жануарлар карнавалы»  әдеби-музыкалық концертін ұсынады.

Шара барысында кішкентай көрермендер үшін арнайы жазылған ең танымал шығармалардың бірі – француз композиторы Шарль-Камиль Сен-Санстың «Жануарлар карнавалы» сюитасы орындалады.

Сондай-ақ, балалар симфониялық оркестр аспаптарының дыбыстарымен танысып, олардың жануарлар мен құстардың дауысына қалай салатынын тыңдап, қылықтарын қалай дәл келтіретінін тамашалай алады.

Концерт  бүгін сағат 12:00-де орыс, 14:00-де қазақ тілінде өтеді.  Ал, ертең 25 наурыз -  14:00-де  орыс, 16:00-де қазақ тілінде болады.

Фото:bmtv.kz