Елордадағы Ұлттық музейде «Менің анам» атты көркемсурет көрмесі ашылды

ҚР Ұлттық музейінде 8 наурыз - Халықаралық әйелдер күні мерекесіне орай «Менің анам» атты балалар көркемсурет көрмесі ашылады.

Шараның басты мақсаты - балалардың шығармашылық жұмыс нәтижелерін көрсету және жасөспірімдердің  эстетикалық тәрбиесін қалыптастыру.

«Шебер» студиясының «Кескіндеме және графика» үйірмесі 2015 жылдың маусымында жұмыс істей бастады. Үйірмеде  белгілі қылқалам шебері Мұхтар Байбосынов дәріс береді.

Жарты жыл ішінде балдырғандардың жұмыстары «Ротари» қайырымдылық қоры ұйымдастырған «Astana Art Festival» байқауының арнайы сертификаттарын жеңіп алды.