Павлодар облысында өткен «Бабалар мұрасын сақтап, қорғаймыз» атты көрме-байқауы қорытындыланды

Павлодар облысының Ертіс ауданында ел Тәуелсіздігінің 25 жылдығына орай өткен «Бабалар мұрасын сақтап, қорғаймыз» атты көрме-байқауы қорытындыланды.

Шара нәтижесі бойынша мата, мақта және капроннан жасалған «Қыдыр ата» қуыршағы мен сирек кездесетін жапондық «кинусайга» техникасымен орындалған «Самұрық құсы» суреті І орынға ие болды.

Жұмыс авторлары - Ертіс ауданы, Қараағаш жалпы орта білім беру мектебінің 9 сынып оқушысы Раухана Салықова, М.Горький  мектебі технология пәнінің оқытушысы Гүлзинат Сәдуақасова. 

Сайысқа ауданның 13 мектебінен келген  5-9 сынып оқушылары ағаш, қағаз, тоқыма, майда моншақ, табиғи материал, гипс, ермексаз, жүн, тұздалған қамыр және теріден жасалған 300-ге жуық туынды ұсынған.

pavlodarnews.kz