Елордадағы «Конгресс-холл» сарайында «Шаттық-2016» фестивалінің гала-концерті өтті

Елордадағы «Конгресс-холл» сарайында балалар мен жасөспірімдер арасындағы «Шаттық-2016» шығармашылық фестивалінің гала-концерті өтті. Дәстүрлі шара биыл оныншы рет ұйымдастырылып отыр.

Дельфий ойындарының бағдарламасы бойынша өтетін байқау өнердің барлық саласын қамтиды.

Биыл 5 мыңнан астам өнерпаз 15 аталым, 8 жанр бойынша (инструменталды соло, хор, қазіргі заманғы би, поэзия, театр, фотосурет, бейнелеу өнері, бірегей жанр, киім дизайны) сынға түсті.

Сахна төрінде үздік әндер мен билер орындалды.

Байқау қорытындысы бойынша 200-ден астам астам қатысушы «күміс» және «қола» марапаттарға ие болды. Ал, 33 жеңімпаз «алтын» жүлдеге қол жеткізді, деп хабарлайды қала әкімдігінің баспасөз қызметі.