Елордадағы №30 мектеп-гимназиясында Ата Заң күніне орай сурет көрмесі өтеді

Елорда мектептерінде Конституцияның 20 жылдығына арналған бірқатар мерекелік шаралар ұйымдастырылмақ.

Бұл туралы Білім басқармасының баспасөз қызметі хабарлады.

2 қыркүйекте қаладағы барлық мектепте «Біз - Қазақстан Республикасының азаматтарымыз» атты ашық сабақ өтеді.

Осы күні №18 орта мектепте «Мемлекеттік рәміздер - ұлт мақтанышы» тақырыбында дөңгелек үстел ұйымдастырылса, №28 мектепте патриотизм сабақтары өтеді.

Мерекелік шаралар 3 және 4 қыркүйекте №30 мектеп-гимназиясында өтетін «Конституция - Қазақстан тұрақтылығының кепілі» тақырыбындағы сурет көрмесімен жалғасын таппақ.