Көкшетауда «Әли баба және 40 қарақшы» қойылымының тұсаукесері өтті

Ақмола облыстық орыс драма театрында «Әли баба және 40 қарақшы» қойылымының тұсауы кесілді. Қоюшы режиссер Евгений Жұманов шығарма негізіне Вениамин Смеховтың сценарийін алып, оны замануи үлгіде көрерменге ұсынды.

«Әли баба және 40 қарақшы» ертегісі «Мың бір түн» шығармасынан алынған. Бұл ертегі 80-ші жылдары көпшіліктің көңілінен шыққан болатын. Біз оны әрлеп, замануи әуен қосып, жаңартылған нұсқасын ұсындық», - деді Евгений Жұманов.

Театр әртістері, олардың киімдері және сахнаның безендірілуі - барлығы да замануи шығыс әлемінің көрінісіне іспеттес жасалған.