Элизабет Тұрсынбаева жасөспірімдер арасындағы Қысқы Олимпиада ойындарында үздік үштікке кірді

Қазақстандық мәнерлеп сырғанаушы Элизабет Тұрсынбаева Норвегияның Лиллехаммер қаласында өтіп жатқан қысқы жасөспірімдер арасындағы Олимпиада ойындарына қатысуда.

Жас спортшы қысқа бағдарламада екінші орын алып, үздік үштікке кірді.

Бүгін еркін бағдарлама бойынша жарыстар өтпек. Олимпиадаға 16 мәнерлеп сырғанаушы қатысады.

Естеріңізге сала кетейік, өткен жылы 15 жастағы Элизабет Тұрсынбаева АҚШ-тың Солт-Лейк-Сити қаласында өткен ірі Халықаралық турнирде күміс медаль иеленген.