Бүгін Астанадағы «Жастар» театрында «Үй тандаған лақ» ертегісі қойылады

Бүгін Астанадағы «Жастар» театрында «Үй тандаған лақ» ертегісі сахналанады. Қойылымда  кербез де жалқау лақтың бастан кешкен оқиғасы баяндалады.

Лақ пен қозы көрші тұрады. Тоқтаусыз жауған жаңбырдың салдарынан олардың баспаналарының шатыры тесіліп қалады.

Жалқау лақ өз үйін жөндемей, орманнан басқа баспана іздеуге жолға шығады. Ал, еңбекқор қозы шатырын жасауға кіріседі.

Қалың орман ішінен үй іздеген лақ жолда түлкі мен қасқырға жем болуға шақ қалады. Қайырымды аюдың көмегімен аман қалған ол өз үйіне оралады.

Достыққа адал қозы лақ қайта оралғанша, өз үйімен қатар лақтың да баспанасын жөндеп қояды.

Қойылым сағат 10:00-де басталады.