«Ойлан, тап!» хабарына жаңа жүргізуші келді (ВИДЕО)

Достар, «Балапанға» жаңа жүргізуші келді. Ерасыл Өмірбай енді тікелей эфирге шығатын «Ойлан, тап!» хабарын  жүргізеді.

Ерасылдың жасы – 8-де.  Ол - Астанадағы №76 мектеп-лицейінің 3 сынып оқушысы.

Шахматты жақсы ойнайды. Дзюдо үйірмесіне қатысады.  Сондай-ақ, футбол ойнағанды ұнатады.  Оның өлең шығаратын өнері де бар.

Жүргізуші болуды армандаған Ерасылға сәттілік тілейміз!

Айта кетейік, «Ойлан, тап!» хабары дүйсенбі-жұма аралығында сағат 13.00 және 19:00-де тікелей эфирге шығады. Жүргізушілері - Риза Данияр, Ақгүл Жарылғасын, Еңлік  Ғаниқызы, Ақнұр Айболқызы, Мұхамедәлі Жүгінісов және Ерасыл Өмірбай.