«Балапан» телеарнасы «Бірге-бір» атты жаңа хабар ұсынады

«Балапан» телеарнасы тікелей эфирге шығатын «Бірге-бір» атты жаңа ойын-сауықтық  хабар ұсынады.

Бағдарлама ойын түрінде өтеді. Хабар барысында  екі түрлі ойын ойнатылады. Әр бағдарламаға 5 қонақ шақырылады.

Бір шығарылымда студия қонақтары кезекпен қағазда жазылған сөзді хабарласқан көрерменге  (ойыншы) ым-ишарамен түсіндіреді.

Келесі шығарылымда студияға келген қонақтар құлаққап киіп, естіп тұрған әнін орындайды. Ал, көрермен оның қандай ән екенін табуы керек.

Ойыншыға тапсырманы орындау үшін 1 минут  беріледі. Осы уақыт ішінде  қанша тапсырманы дұрыс орындаса, сонша ұпайға ие болады.

«Бірге-бір» хабары жуырда эфирге шығады.