Алматыда балаларға арналған «Менің Отаным - Қазақстан!» атты сурет көрмесі ашылды

Алматыда ел Тәуелсіздігінің 25 жылдығын тойлау басталып кетті. С.Бегалин атындағы балалар кітапханасында «Менің Отаным - Қазақстан» атты сурет көрмесі ашылды.

Бұған дейін жарияланған байқауға келіп түскен жұмыстардың 188-і іріктеліп алынып, көрмеге қойылған.

Суреттерде Қазақстанның әсем табиғаты, мемлекеттік рәміздері, ұлттық киім мен музыкалық аспаптары бейнеленген. Жас суретшілер халықтар достығына да назар аударған.

Көрме 1 айға жалғасады. Келушілер  7-16 жас аралығындағы балалардың жұмыстарын тамашалай алады.

Ұйымдастырушылар жыл соңына қарай  суреттер толықтырылатынын айтады.

www.almaty.tv