Алматылық мектеп оқушысы бұрын белгісіз болған тастағы суреттерді тапты

Алматы облысы, Таутүрген ауылының маңындағы Күйік тауының шыңынан  130-дан астам тастағы сурет  анықталды. Ғалымдар үшін белгісіз болып келген таңбаларды жергілікті мектептің оқушысы Рамазан Досбол тапқан.

Көне петроглифтер қола дәуірінің Андронов мәдениетіне жатады.  

Марал, арқар, бұғы сынды аңдар және доңғалақ пен Күннің суреттері бұл жерді мекен етушілердің аңшылықпен қатар, егіншілік және қолөнермен айналысқанын көрсетеді.  

Рамазан Досбол зерттеулерді ғылыми жұмысына негіз қылып алып, республикалық олимпиадада қорғаған.  

«Тауға шыққан сайын жаңа артефактар табамын. Бұл жаңалық біздің археологтарды қызықтырады деп үміттенемін», дейді ол.

Дереккөз: inform.kz