«Экстремалды футбол» мультхикаясы демалыс күндері эфирге шығады

Қызықтарға толы «Экстремалды футбол» мультхикаясы жалғасуда.

Мультхикаяда бас кейіпкер экстремалды футболға қатысу үшін достарының арасынан команда жинайды. Қорғаушы, қақпашы, шабуылдаушыларды бекітеді. Ал, өзі команда капитаны болады.

Олар жөндеу жұмыстары жүргізіліп жатқан сауда орталығының жертөлесінде жаттығады. Қарсылас топты жеңу үшін түрлі айла-тәсілді ойлап табады.

Экстремалды футбол – спорттың жаңа түрі. Бұл тек қана доп қуу емес, ойын акробатиканы, жоспарлауды, ойыншының ептілігін қажет етеді.

Енді «Экстремалды футбол» мультхикаясы сенбі, жексенбі күндері сағат 12:30-да эфирге шығады. Ал, қайталауы 18:20 және 21:20-да.