8 жастағы теннисші Жақас Қозбақ АҚШ-та өткен халықаралық турнирдің бас жүлдесін иеленді

Қызылорда өңірінің тумасы Жақас Қозбақ АҚШ-тың Флорида штатында теннистен өткен Халықаралық турнирдің бас жүлдесін алды.

Ақтық финалда жерлесіміз аргентиналық теннисшіні 6:4, 6:3 есебімен ұтып, алға шықты.

Осылайша, қазақстандық жас спортшы 23-29 тамыз аралығында Нью-Йорк қаласында 10 жасқа дейінгі теннисшілер арасында өтетін Әлем чемпионатына жолдама алды.

Жақас Қозбақ тенниспен 5 жасынан бастап шұғылдана бастаған. Бірнеше рет ел чемпионатында жеңіске қол жеткізді. Қазір ол АҚШ-тағы Теннис академиясында жаттығып, жаңа жеңістерге ұмтылуда.