Елорданың үздік оқушысы анықталды

Елордада ҚР Тұңғыш Президенті күнін мерекелеу аясында «Елордалық білім беру мекемелерінің көшбасшы оқушысы» зияткерлік байқауы өтті.

Байқау тақырыбы Қаныш Сәтбаев, Әлімхан Ермеков, Евней Бөкетов сынды Қазақстанның белгілі ғалымдарына, халқымыздың патриоттарына, әлемдік мәдениет білгірлеріне арналды.

Оған жалпы білім беретін мектептердің 10 сынып оқушылары қатысты.

Шара қорытындысы бойынша көшбасшылар арасында №60 лицейдің оқушысы Айсұлу Асылбекова жеңімпаз атанды.

Байқау жеңімпазы мен жүлдегерлер дипломдармен, Мақтау қағаздарымен және бағалы сыйлықтармен марапатталды.