Қостанай облысында екі мектеп 12 жылдық бағдарлама бойынша білім бере бастайды

Биыл Қостанай облысында екі мектеп 12 жылдық оқу бағдарламасы бойынша білім бере бастайды.

Олар - Қостанай қаласындағы №10 мектеп пен Денисов ауданындағы Свердлов орта мекебі.

Жаңа оқыту жүйесі аталған білім ошақтарына әзірге тәжірибе түрінде ғана енгізілмек. Эксперименталды мектептер үшін арнайы оқу бағдарламалары жасалған.

«Кездескен қиындықтар бойынша кейін ұстаздардың ұсынысы Білім және ғылым министрлігіне жолданып, бағдарламалар жетілдіріледі», - дейді облыстық білім басқармасының басшысы Әлия Тұтқараева.

Жалпы, 12 жылдық білім беру жүйесі биыл еліміз бойынша 35 мектепке енгізілмек.