«Қазақстан» РТРК» АҚ «Balapan» телеарнасы аутсорсинг компаниялар арасында 2020 жылға арналған анимациялық және телевизиялық жобаларға байқау жариялайды.
⠀
Байқауға қатысу туралы өтінімдер 2019 жылдың 4 қыркүйегінен 21 қазан аралығында balapantv@kaztrk.kz электронды поштасы арқылы қабылданады. Жобалардың қағазға түскен презентациялық нұсқасы Нұр-Сұлтан қаласы, Қонаев көшесі, 4, «Balapan» телеарнасының кеңсесіне міндетті түрде жеткізілуі тиіс.
⠀
Айта кетерлігі, «Balapan» телеарнасының жаңа концепциясына сай, 2020 жылы жас аудиториясы 0 +8 боп өзгереді. Сәйкесінше, ұсыныстар осы жас категориясына лайықталған жобаларға қабылданады.
Анимация бойынша, 0+ және 5+ категориясында шытырман оқиғалы, сондай-ақ оқу-танымдық жанрларға;
Спорттық жобалар, оның ішінде отбасылық шоуларға;
Музыкалық жанр бойынша, республикалық ауқымдағы ән-би фестивальдері, реалити-шоу жобаларға;
Ойын-сауықтық бағдарламаларға, оның ішінде отбасылық шоуларға;
Оқу-ағартушылық, танымдық бағыттағы 0+8 аудиториясына лайықталған жобаларға;
Телесериал және ситком жанры бойынша да көрсетілген жас ерекшеліктерге сай келетін, қызық жобаларға өтінім тапсыруға болады.
⠀
Сонымен қатар, 2020 жылы «Balapan» телеарнасының 10 жылдық мейрейтойына орай, жыл бойы ел аумағындағы балаларды түгел қамтитын, қорытындысы қыркүйек айында мерекелік думанмен түйінделетін мега реалити-шоуға тапсырыс қабылданады.
⠀
Жобалар тілі: Қазақша
Жобаларға қойылатын негізгі талаптар:
- ҚР аумағында хабар тарату мен телевизия саласы жөніндегі ҚР заңнамасында көрсетілген талаптарға сәйкес болуы;
- Ұсынылған жобалардың (анимация және сериалдар бойынша) пилоттық нұсқасы болуы;
- Байқауға қатысушы компанияның телевизия саласындағы жалпы жұмыс өтілі, ұсынылған бағдарламадан басқа да шығармашылық жұмыстары болуы тиіс.
⠀
Толық ақпаратты 8(7172)75-70-89 телефонына немесе balapantv@kaztrk.kz электронды поштасына хабарласып алуға болады.
Телевизиялық жобаларды іріктеуге арналған байқауға қатысу туралы өтінішті жүктеп алу
