Балалар, «Aidar» мультхикаясының саундтрегі «Тамыр» әнінің сөзін жаттап алыңдар.
Сөзін жазған: Әннәс Бағдат
Әнін жазған: Ғалымжан Секеев
Орындаған: Ерзат Рамазанов
Жер мен Көктің арасы,
Ой мен Рухтың панасы,
Ауаға сіңген уақыт -
Өткен мен Бүгін санасы.
Күн мен Жұлдыз жарығы,
Гүл мен Күлдің тағдыры.
Топыраққа байлаған,
Тіршіліктің тамыры.
Қ-сы:
Шақамайды Гүл үшін,
Табиғаттың ырысын.
Сегіз қырлы, бір сырлы,
Адам - Ардың тынысы.
Дала мен Қала іргесі-
Шығыс пен Батыс үндесіп.
Жаңбыр мен Жел тілдесіп,
Мөлдіреп тұнар Гүлге шық.
Ақ пен Қара, Жалған-Шын,
Таласқанда арбасып,
Сыбдырлайды жапырақ,
Сыбырлайды Жан даусы.
Қ-сы:
Шақамасын Гүл үшін,
Табиғаттың ырысын.
Сегіз қырлы, бір сырлы,
Адам - Ардың тынысы.
Әннің толық нұсқасын біздің «YouTubе»-тегі арнамыздан жүктеп алуға болады.
