Павлодар қаласының М.Катаев атындағы Оқушылар сарайы түнгі уақытта да жұмыс істейтін болды.
Жұлдызсанаушылар биылғы жылы ашылған «Антарес» клубының жас әуесқойларына аспан әлемін бақылауға көмектеседі.
«Аталмыш клубқа алты топтан 12-18 жас аралығындағы 72 оқушы келеді. Жас өрендермен кәсіби маман, астроном-бақылаушы Виталий Радченко жұмыс істейді. Ол алты жасынан астрономиямен әуестене бастаған. Виталий Радченко астрономияны зерттеу барысында сегіз телескоп ауыстырды. Сондай-ақ, оның коллекциясында өз қолымен жасаған телескобы бар. «Антарес» клубының жас әуесқойлары телескоптармен танысып, оның шыны әйнегі арқылы астрономиялық құбылыстарды бақылай алады», - дейді облыстық Білім беру басқармасының бас маманы Балжан Әділханова.
pavlodarnews.kz
ФОТО: do.ngs.ru
