Бүгін Ұлттық арнадағы «Басты тақырып» бағдарламасының жүргізушісі Мейіржан Әлібекұлы «balapan» арнасының тікелей эфир жүргізушілеріне арнап шеберлік сағатын өткізді.
Шеберлік дәрісінде жас жүргізушілер алғашқы эфирге шыққандағы қобалжулары, әсерлері, қызықты оқиғаларымен бөліссе, Мейіржан Әлібекұлы эфирге жауапкершілікпен қарауды және үлкен дайындық қажет екенін түсіндірді.
Сондай-ақ, тіл байлығы, тіл тазалығы, қырағылық, ізденіс, жан-жақтылық сияқты журналистерге керек қасиеттерді атап өтті.
Кітап оқу, көп іздену арқылы мықты маман болып, биік белестерді бағындыруға болатынын айтты.
