«Балапан» телеарнасының ұжымы балдырғандардың ұсыныс-пікірлерін тыңдады

«Қазмедиа» орталығында «Балапан» телеарнасы фокус тобының кеңес отырысы өтті. Оған 15 бала және олардың ата-аналары қатысты.

Қойылған сұрақтар бойынша анықталғандай, сұранысқа ие бағдарламалар тізімі: «Күлдір-бүлдір», «Ойлан тап!»,  «Бірге-бір», «Сынақ алаңы», «5/5», «Еріншектер елі». Сонымен қоса, балдырғандар анимациялық фильмдерден гөрі, рөлдерді адамдардың өздері сомдайтын туындылар ұнайтынын жеткізді. Осы орайда  «Алдар Көсе», «Томпақ»  секілді  мультсериалдар көбірек түсірілсе деген пікірлерін білдірді.

Қорытындылай келе, ата-аналар мен бүлдіршіндер  «Балапан» телеарнасына сәттілік тілеп, тек қызықты да, сапалы бағдарламалар күтетіндерін жеткізді. Жиналыс соңында бүлдіршіндерге телеарна атынан кішігірім сыйлықтар табысталды.