Шымкенттік оқушылар қала күнін атап өтуге атсалысуда

Бүгін Шымкентте қала күні мерекеленуде.  Салтанатты шара Тәуелсіздік саябағынан басталды.

Мерекелік шара  қала мектептерінің үздік оқушыларын республикалық «Жас ұлан» балалар мен жасөспірімдер  ұйымына қабылдау рәсімімен басталды. Білім ошақтарының 500 көшбасшы шәкірті ұйымның мүшесі атанды.

Шара барысында тұрғындар «Шымкент -  менің сүйікті қалам»  тақырыбы аясында жас суретшілердің аэрогорафия тәсілімен сурет салу барысын тамашалады.

Сонымен қатар, қала мектептеріндегі қылқалам шеберлерінің «Тарихы терең Шымқала» атты сурет көрмесі ұйымдастырылды.  Мектеп ұжымдары «Күз сыйы» гүлдер композициясын ұсынды.

Шара соңы концерттік бағдарламамен жалғасты. Оған мектеп оқушылары жұмылдырылған.

otyrar.kz