«Қазақстан Республикасында тілдерді дамыту мен қолданудың 2011 – 2020 жылдарға арналған мемлекеттік бағдарламасы» аясында Қазақстан Республикасы Мәдениет және спорт министрлігі Тілдерді дамыту және қоғамдық-саяси жұмыс комитеті ұсынады.
Қадірлі дос! Сіздің идеяңыз іске асатын күн туды! Ш.Шаяхметов атындағы тілдерді дамытудың республикалық үйлестіру-әдістемелік орталығы Балаларға арналған анимациялық фильмге байқау жариялайды.
Бүлдіршіндеріміз бесіктен ана тілмен ауыздансын десеңіз бізбен бірлесе жұмыс жасауға шақырамыз. Ол үшін төмендегі талаптарға сай тың идеяларыңыз бен креативті жобаңызды жолдаңыз.
Тұжырымдама, пилоттық жоба, синопсис ағымдағы жылдаң 15 сәуіріне дейін (tilortalyk@mail.ru электронды поштасына) қабылданады.
Құжаттары толық емес, көрсетілген мерзімнен кеш ұсынылған еңбектер сараптамалық кеңестің талдауына жіберілмейді. Материалдарды іріктеу және аудиторияға ұсыну Ш.Шаяхметов атындағы тілдерді дамытудың республикалық үйлестіру-әдістемелік орталығының құзіретінде.
Сұрақтар бойынша 8(7172) 40 83 67, 8 707 061 61 21 нөміріне хабарласыңыз.
