«Балапан» телеарнасы Байқоңыр қаласында хабар тарата бастады

«Балапан» телеарнасы хабар тарату шектерін кеңейтуде. Телеарна 6 шілдеден бастап ерекше қауіпсіздік тәртібімен Байқоңыр қаласында хабар тарата бастады.

Хабар тарату «БайқоңырБайланысАқпарат» мемлекеттік унитарлық кәсіпорынның жер үстіндегі аналогтық желісі арқылы іске асырылуда.

Хабар тарату қазақ тілінде жүргізіледі. Эфир уақыты - 07:30 – 21:30 аралығы.

Айта кетейік, «Балапан» телеарнасы Президент Нұрсұлтан Әбішұлы Назарбаевтың бастамасымен құрылған. «Қазақстан» Республикалық телерадиокорпорациясының құрамына кіреді.