Қаладағы ең әдемі көлік тұрақтарының бірінде Дүлдүл және Джипер есімді екі көлік жүр. Бұл машиналардың өмірі үлкен өзгерістерді қалайды. Сондықтан, Джипер мен Дүлдүл Алматы қаласынан Астана қаласына жолға шықпақ ниетте. Олардың басты мақсаты, осы үлкен қашықтықты басып өтіп Астанада өтіп жатқан ЭКСПО көрмесіне бару. Екі дос өз саяхаттарын естен кетпейтіндей қызықты өткізу үшін, екі қаланың арасындағы ең әдемі жерлерге саяхаттай баруды да өз жоспарына енгізеді. Соңғы дайындықтарын пысықтап алған қос көлік, сапар барысында алдарынан қандай қызықтар мен кедергілердің шығарын әлі білмейтін еді... Енді осы мақсат үшін олардың, машиналар әлемінің «үлкен өміріне» араласуына тура келеді. Ең бастысы, екеуінің ой түпкіріндегі ең үлкен арманы Астананы көру. Бірге жүріп, бірге ойнайтын екі достың, әр серия сайын басынан өткен оқиғалары, оларды ең үлкен арманына жақындата түседі...
Жоба жетекшісі: Л. Сеңгірбекова
Продюсері: А. Хабибуллина
Өндіруші компания: «RIO production» ЖК
Бас режиссері: Қ. Әбдібаева
Түпнұсқаның эфирге шығатын уақыты:
Ұзақтығы: 10 серия, 10 минут
Жиілігі: аптасына 5 рет
Аудиториясы: 3-10 жас
Жанры: анимациялық мульттоптама
Байланыс телефондары: 8 (7172) 55-38-01
E-mail: balapantv@kaztrk.kz
