Сайыс талаптары: Қатысу туралы өтініш, сауалнама толтыру.
Отбасы туралы бейнеролик тапсыру.
1-кезең: «Балам туралы...» (ата-анаға баласы жайлы сұрақтар қойылады, жақсы көретін түсі, сүйіп жейтін асы, сүйікті ойыны т.б)
2-кезең: «Менің балам қандай?» Ойынның мақсаты: ата-ана басласын қалай жақсы көретінін көрсету. Әр қатысушы әке қолының саусақтарын айналдыра сызып, әр саусаққа баласының атындағы әріптерін жазу керек. Ары қарай ата-ана әр саусақта жазылған әріптерден басталатын баласының қасиеттерін айтуы керек.
3-кезең: «Сурет сөйлейді». Балаларының қызық оқиғасын бейнелейтін күлкілі фото байқауы. Суретке қарап ол кезде бала неше жаста болғанын, қай кезде түскенін және осы суретпен байланысты қызықты оқиғаны бейнелейді.
4-кезең: «Аялы алақан». Бұл аналарға арналған сайыс. Бұл кезеңде әрбір ана байлаулы көзбен алақанымен сипап-сезу арқылы өз баласын тануы тиіс.
5-кезең: «Мен білемін...». Мұнда бала бұйымның (ата-анасының жеке заттары) арасынан өз ата-анасының затын табады. Оны қашан және қайда, не үшін қолданатынын айтады.
6-кезең: Отбасылық ойыны. Крокодил, әнжұмбақ т.б ойындарын ойнайды.
7-кезең: «Ата көрген оқ жонаар, ана көрген тон пішер»
Бұл кезеңде қыз бала анасымен, ұл бала әкесімен бірге қолөнер бұйымын жасайды. Мысалы кесте тігу, қамшы өру және т.б
Ең соңында отбасы мүшелері бірігіп А3 форматында қағазға «Менің отбасым тақырыбында» сурет салады. Әр отбасын сайыста көрсеткен өнері үшін «Шебер отбасы», «Өнерлі отбасы», «Шымыр отбасы», «Ынтымақты отбасы», «Алғыр отбасы», «Өнегелі отбасы» сияқты аталымдармен марапаттайды. «Балапан» аранасының арнай сыйлығы беріледі.
Байланыс телефондары: 8 (7172) 55-34-16
Жоба жетекшісі: Ж. Укибасова
Продюсері: В. Тынысбекова
Өндіруші компания: «Тамсан+» ЖК
Бас режиссері: Қ. Әбдібаева
Бас редакторы: Ә. Балғабаева
Жүргізушісі: Алмас Мүбарак
Түпнұсқаның эфирге шығатын уақыты: дүйсенбі-жұма сағ. 16:25-те
Ұзақтығы: 30 серия, 15 минут
Жанры: әлеуметтік, танымдық, ойын-сауықтық
