«Дара бала» – 3 пен 12 жас аралығындағы балаларға арналған таланттар телешоуы. Жобаның мақсаты – еліміздің әр түкпіріндегі зияткер, шығармашыл таланттыларды іздеп тауып, олардың білім, ғылым, өнер, спортқа деген ынтасын, айрықша қабілеттерін көрерменге таныту. Додада арнайы іріктеуден өткен 160 бүлдіршіннің білім, ғылым, өнер, спортқа деген ынтасы мен айрықша қабілеті сыналады. Олардың қатарында математик, робот құрастырушы, балерина, гимнаст арулар, 140 мемлекеттің туы мен атауын жатқа білетін вундеркинд бар.
