«Balapan» телеарнасының бас продюсері Сандуғаш Баймаханқызы қалалық «Сөз шебері» жүргізушілер байқауына қазылық етті.
Ол жас дарындардың өнеріне баға беріп қана қоймай, талантымен тәнті еткен №66 меклеп-лицейдің оқушысы Төлеуіш Мейірланға, №23 орта мектептің оқушысы Карина Тулеубековаға, №60 мектеп-лицейдің атынан бақ сынаған Анвар Ахметовке телеарна атынан арнайы сыйлықтар табыс етті. Жалпы байқау қорытындысы бойынша 4 жүлделі орын мен арнайы номинациялар тағайындалды.
Олардың өнеріне теле-радио, өнер саласынды қызмет етіп жүрген майталман мамандар баға берді.
«Сөз шебері» байқауының финалдық кезеңі М.Өтемісұлы атындағы Оқушылар сарайының концерт залында 1 қараша күні өтті. Негізгі мақсат – жас таланттардың зияткерлік және шығармашылық қабілетін ашу, сөйлеу әдебі мен мәнерін қалыптастыру, мерекелік іс-шараларды жүргізу шеберлігін шыңдау.