«Балапан» телеарнасынан «Квест» атты жаңа бағдарлама эфирге шығады (ВИДЕО)

Ертең 14:10-де «Балапан» телеарнасында жаңа «Квест» бағдарламасы болады.

Бағдарламаға 5 ойыншыдан құрылған топ қатысады. Бағдарламаның басында жүргізуші қатысушылармен танысып, қолдарына ортақ тапсырма планшетін береді.

Ойын үш кезеңнен тұрады. Әр кезең Квест ойынының ережесіне сәйкес түрлі «сынақ» бөлмелерінде өтеді. Логикалық есептер мен тапсырмалар арқылы қатысушының ойлау қабілеті тексеріледі.

Ережеге сәйкес, қатысушылар жасырын сөзді шешіп, құлыптаулы бөлмеден қашып шығуы қажет. Ақтық мәреге топ ұйымшылдығына байланысты қатысушылардың барлығы немесе бірнеше ғана қатысушы жетуі мүмкін.

«Квест» бағдарламасы эфирге әр сенбі, жексенбі күндері шығады.