«Бірге-бір» бағдарламасының жеңімпазы атануға тырысайық

«Балапан» телеарнасында дүйсенбі – жұма аралығында 16:00-де «Бірге-бір» бағдарламасы тікелей эфирге шығады.

Бағдарламада балалар арасында ойын болады. Ойында студия қонағы мен көрермен сайысқа түседі. Жарыс екі кезеңнен тұрады. Алғашқысы – «Сөзжұмбақ».

Алдымен ортаға ойыншы шақырылады. Ол хабарласқан көрерменге үш сөзді іс-қимыл арқылы  жасырады.

Ал, көрермен қандай сөздер екенін табу керек. Әр сөзді табуға 15 секунд беріледі. Егер берілген 3 сөздің барлығын дұрыс тапса, екінші айналымға өтеді.

Екінші кезең – «Әнжұмбақ». Бұл айналымда студия қонағы құлаққап киіп, әннің ырғағына қосылады.

Хабарласқан көрермен оның қандай ән орындап тұрғанын табуы керек. Егер барлық тапсырманы орындаса, «Бірге-бірдің» жеңімпазы атанады.