Бүгін «Ойлан, тап!» бағдарламасында «Жұмбақ суреттер» ойынын ойнаймыз

Достар, бүгін сағат 13:00-де эфирге шығатын «Ойлан, тап!» хабарында Ақгүл Жарылғасынмен бірге «Жұмбақ суреттер» ойынын ойнаймыз. Ойын  екі айналымнан тұрады.

Бірінші кезеңде сурет бөліктері беріледі. Хабарласқан көрермен оның қандай сурет екенін табуы керек.

Ал, екінші кезеңде ойыншы 8 ұяшықты 8 түске қойып, суретті дұрыс құрап шығуы қажет. Егер барлық ұяшықты түстерге дұрыс қойса, жеңімпаз атанады.

Сондай-ақ, бағдарламада Ақгүл көрермендерден келген хаттарды оқиды.

Айта кетейік, 19:00-де көрсетілетін хабарды Ақнұр Айболқызы жүргізеді.