«Үздік педагог - 2019» республикалық байқауы өтті

Кеше «Үздік педагог - 2019» республикалық конкурсы қалалық кезеңінің III қорытынды туры Оқушылар сарайында өтті. Қатысушылар: мектепке дейінгі мемлекеттік білім беру ұйымдарының педагогтері. Бүгінгі III қорытынды турға (ішкі) сырттай екі турдан өтіп, ең үздік нәтижелерді көрсеткен 8 конкурсант қатысты. Финалистер көрермендерге «Менің кәсіби ұстанымым» өзін-өзі таныстырылымын ұсынып, педагогикалық жағдаяттарды шешу жолдарын көрсетті. Конкурс нәтижелері бойынша «Әдіскер педагог», «Зерттеуші педагог», «Эрудит педагог», «Жаңашыл педагог» номинациялары бойынша лауреаттар анықталады.