«balapan» арнасы 4 наурыздан бастап жаңа және жаңартылған жобалар ұсынады

Жаңа көктемгі телемаусымда арнамыздың контенті танымдық, ойын-сауық, отбасылық бағдарламалармен толығады.
Барлық дүниеге баланың көзімен қарай отырып, олардың таңдауын, қалауын түсіну арқылы ата-ана мен баланың ара-қатынасын жақсартуға құрылған «Баламен сұхбат» атты жаңа бағдарлама эфирге шығады.

Сондай-ақ, бүлдіршіндерге көтеріңкі көңіл-күй сыйлайтын «Таңжарық» ойын-сауық бағдарламасы және әртүрлі тақырыпта қызықты мәлімет алуға, түрлі ойындар арқылы баланың зейінін көтеріп, хабарласқан көрерменмен кері байланыс орнатуға мүмкіндік беретін «Кім тапқыр?», «Жас ғалым» жобаларын тікелей эфирден тамашалай аласыңдар.