Жаңа жылда балаларды қайда апаруға болады?

Достар, сендер Астана қаласының бас шыршасы қай жерде орналасқаны туралы білесіңдер ме ? Жаңа жылдың символына айналған жайқалған жасыл шыршамыз «ЭКСПО» көрмесінің аумағында «Нұр Әлем» сферасының маңайына орнатылды. Оның шамдары 18 желтоқсан күні жағылған болатын. Бас шыршаны жағумен қатар, ЭКСПО-2017 көрмесінің аумағында орналасқан ірі мұз қалашықтың да ашылуы өтті.

Қалашықтың тақырыбы  «ЭКСПО-2017» Болашақтың энергиясы» деп аталды. Лондонның Гайд-паркінде 1851 жылы ашылған бірінші ЭКСПО көрмесі мен 1889 жылғы көрмедегі кіреберіс қақпа - Эйфель мұнарасының мұз көшірмесі қойылды. Сондай-ақ, биіктігі 6 метр атақты Дисней Лэнд сарайының көшірмесі, биіктігі жарты метрге жуық 80 метрлік лабиринт елорданың кішкентай тұрғындары мен қонақтарын қызықтырды. Сондықтан жаңа жылдық демалыстарды отбасыңмен  ЭКСПО аймағында өткізуге тамаша мүкіндік.