«balapan» арнасы «галактикадағы сайысқа» шақырады

«balapan» телеарнасы кішкентай көрермендерін жаңа жобалармен қуантуды жалғастыруда. Осы жолы көгілдір экрандарға қазіргі жаһандану заманында тапқыр, әрі ғылымға құштар тұлға тәрбиелеуге үлес қосатын бағдарлама шығады. «Галактикадағы сайыс» интеллектуалды жобасына өзге галактикадан келген қонақтар мен мектеп оқушылары қатысады. Сайыскерлерге он сегіз мың ғаламның сыры ашылып, қиялға толы қызықты тапсырмалар беріледі. 

«Галактикадағы сайыс» жобасын 2 желтоқсаннан бастап, «balapan» арнасынан әр аптаның сенбі және жексенбі күндері 12:20-да тамашалауға болады.